Türkiyənin Adana şəhərində baş verən cinayət eşidənləri çox üzüb. ANS PRESS-in məlumata görə, 2 gün əvvəl itkin düşən 6 yaşlı Gizləm Akdenizin meyidi evlərindən 2 tin sonra tapılıb.

Dərhal hadisə yerinə hüquq-mühafizə orqanları cəlb olunub. Araşdırmalar zamanı məlum olub ki, azyaşlı qız ürəyindən bıçaqlanandan sonra, bədənini yandırmaq istəyiblər. Lakin qızcığazın bədəni tam yanmayıb.

Dəhşətli cinayətlə bağlı dərhal araşdırmalara başlanılıb. Araşdırmalar zamanı qorxunc cinayətdə şübhəli bilinən şəxs yaxalanıb. Polisin araşdırmaları zamanı cinayətin qətlə yetirilən qızın əmisi oğlu tərəfindən törədildiyi məlum olub.

Demə əmioğlu Gizləm Akdenizin bacısına aşiq olub. Lakin qızı ona verməyiblər. S.A. da öz növbəsində əmisigildən intiqam almaq qərarına gəlib. O, Gizləm Akdenizi öldürmək qərarına gəlib.

Azyaşlı əmisiqızını izləyən S.A. Gizləm Akdenizin evlərinin yanında nəzarətsiz oynadığını görüb. Qızı yanına çağıran S.A. onu yaxınlıqdakı küçəəy aparıb. Qızın ürəyindən bıçaqlayan S.A. sonradan izi itirmək üçün qızcığazı yandırıb.

Daha sonra evə qayıdan S.A. heç nə olmamış kimi davranıb. Sonradan Gizləm Akdenizin itkin düşməsi barədə əmisigildən eşidib. Ailə üzvlərilə birgə əmisinin evinə gedən S.A. onlarla birlikdə qızcığazın axtarışına qatılıb. Hətta Gizləm Akdenizin tapılmasında özü yardımçı olub. Polis də elə bu məqamdan şübhələnib və cinayəti açıb.

Gizləm Akdenizin anası qızının başına gətirilənlərdən dəhşətə gəlib. O, mətbuat nümayəndələri qarşısına çıxaraq üsyan edib: “Mənim ciyərim yandı, istəmirəm başqa anaların ciyəri yansın. Dövlətimə səslənirəm, rəhbərlərimə səslənirəm. Əgər qızımın qatilinə həbsxanada çörək, su verirlərsə, bu dəhşətdi. Onu elə edam etməlidirlər ki, başqalarına dərs olsun. Axı balama necə qıydın?”.

Hadisə ilə bağlı etiraz aksiyası başlanıb. Saxlanılaraq məhkəməyə çıxarılan S,A.-ya hücum çəkən insanlar, onun öldürülməsini tələb edib. S.A.-nı əsəbi kütlədən qoruyan polislər, onu zirehli maşında məhkəməyə aparıblar. Məhkəmə S.A.-nın ömürlük həbs edilməsinə qərar verib.