Ümumi sahəsi 420 kv/m olan restoranın 260 kv/m sahəsi yanıb
. Bakıda “Meşəbəyi” restoranında baş verən yanğın söndürülüb.
Fövqəladə Hallar Nazirliyinin (FHN) Dövlət Yanğından Mühafizə Xidmətinin qərargah rəisi Əkbər Novruzov APA-nın hadisə yerində olan əməkdaşına bildirib ki, ümumi sahəsi 420 kv/m olan restoranda baş verən yanğına qısaqapanma səbəb olub. Hadisə yerinə 6 yanğınsöndürən maşın cəlb edilib.
Yanğın nəticəsində restoranın 260 kv/m sahəsi yanıb. Həyata keçirilən tədbirlər nəticəsində yanğının digər obyektlərə keçməsinin qarşısı alınıb və yanğın söndürülüb.
***
saat 15.33
Bakıda restoran yanır.
Şahidlərin verdiyi məlumata görə, hadisə Binəqədi rayonunda, “Oazis” əyləncə mərkəzinin yanında yerləşən “Meşəbəyi” restoranında qeydə alınıb.
Əraziyə xeyli sayda yanğınsöndürən cəlb edilib. Hazırda yanğının qarşısının alınması istiqamətində tədbirlər davam etdirilir.
Xəbərdən istifadə edərkən istinad etmək vacibdir.
