Müsavat Partiyasının qərargahında həbs edilən müsavatçı fəal Fərəc Kərimli və qardaşının həbsi ilə bağlı mətbuat konfransı  keçirilir. Konfransda Fərəc in atası Raqif Kərimov, Mehman Əliyev, Müsavat rəhbərliyi və media nümayəndələri iştirak edirlər. İlk olaraq, çıxış edən başqan İsa Qəmbər Fərəcin həbsinin Müsavat partiyasına qarşı olduğunu bildirdi:" Bu günlərdə hakimiyyətin repressiya maşını işə düşüb. Dünən Fərəc Kərimli qanunsuz olaraq həbs olunub. Eyni zamanda Müsavatın Tərtər təşkilatının keçmiş sədri Xəqani bəy həbs olunub. Bütün bunlar əliyevlərin iç üzünü bir daha göstərdi . Artıq onlar üçün dəyər deyilən bir şey qalmayıb. Bu gün müdafiə komitəsi yaradılacaq. Komitənin sədri Əhliman Abbas olacaq. Mən də üzvü olacam. Sona qədər Fərəc bəyin hüquqlarını müdafiə edəcəyik"

 Daha sonra vəkil Nemət Kərimli çıxış etdi. O, iki gündür ki, Fərəc dən xəbər olmadığını bildirdi: "Artıq iki gündür ki, Fərəcdən xəbər yoxdur. Bunun üçün bütün aidiyyatı orqanlara müraciət etmişik.  Amma bir xəbər yoxdur. Biz narkotik ittihamının qondarma olduğuna əminəm. Biz öz fəaliyyətimizi daha da genişləndirib. Həbsin siyasi sifariş olduğunu sübut edəcəyik"

 Ardınca gənclərin sədri Əhliman Abbas çıxış etdi. O Fərəcin fəal fədakar gənclərdən olduğunu dedi:"Hakimiyyət gənclərdən qorxur. Bunu bir daha sübut etdi. Müdafiə Komitəsi olaraq, üzərimizə düşəni edəcəyik"

 Çıxış edən Fərəcin atası oğlunun həbsinin siyasi sifariş olduğunu bir daha bəyan etdi: "Bu bir əxlaq məsələsidir. Xəstə ananın gözləri qarşısında oğlunu həbs etmək. Bu həbsin siyasi olduğuna hamımız əminik. Bizim ailəyə qarşı olan bu hücumlar təsadüfi deyil. Əvvəl böyük oğlum indi də Fərəc. .Sözüm odur ki, bütün bunlar çoxdan sübut olunmuş hakimiyyətin növbəti mahiyyətinin sübutudur. Bu gün bizə dəstək verən hər kəsə təşəkkür edirəm

Tədbirdə Müdafiə Komitəsi yarandı.