Metronun "Koroğlu” stansiyasında insident baş verib. Hadisə şahidlərinin məlumatına əsasən, sərnişinlərdən biri relslərin üzərinə düşüb.
Bakı Metropoliteninin ictimaiyyətlə əlaqələr şöbəsinin rəisi Bəxtiyar Məmmədov məsələ ilə bağlı açıqlama verib. O, bildirib ki, sərnişinlərdən birinin telefonu relsin üstünə düşüb. 
"Telefonunu götürmək istəyən sərnişin relslərin üzərinə tullanıb. Bu isə onun həyatı üçün çox təhlükəlidir. Metro polisi dərhal məsələyə müdaxilə edib və icazəsiz relsin üzərinə tullanan şəxs saxlanılıb. Qeyd edim ki, metroda belə hallar baş verəndə dərhal stansiyanın əməkdaşlarına məlumat vermək lazımdır. Lazımi tədbirləri metro əməkdaşları dərhal görür və relsin üzərinə düşən əşyaları xüsusi qurğu ilə götürürlər”.

Xəbərdən istifadə edərkən istinad etmək vacibdir.