Bu gün səhər saatlarından Sumqayıt şəhərinin bəzi hissələrini
qara tüstü bürüyüb.
Xeberle.com-un məlumatına görə, tüstünün mənbəyi "Azərkimya"
İstehsalat Birliyinin Etilen-Polietilen zavodudur.
Birliyin mətbuat katibi Rafiq Oday Xeberle.com-aaçıqlamasında bildirib ki, Etilen-Polietilen zavodunda modernizasiya işləri
aparılır: "2020-ci ilin birinci rübündə yekunlaşdırılması planlaşdırılan
modernizasiya işləri gedir və bu texnoloji proseslər yekunlaşana qədər 30-45
gündə bir dəfə planlı şəkildə bu hal baş verəcək. Yeni qurğular tikilib, yeni
avadanlıqlar quraşdırıldığı üçün texnoloji proses olaraq belə tüstülər havaya
buraxılacaq, əks halda zavodda partlayışlar ola bilər. Bu tərkibi təmizlənmiş
tüstüdür və havaya buraxılan zaman heç bir zərərli maddə yaranmır. Təmir,
quraşdırma işlərii tam sona çatdıqdan sonra heç bir tüstülənmə olmayacaq".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
