Qubanın
Söhüb kəndində avtomobil dərəyə aşıb.
Səhiyyə
Nazirliyindən verilən məlumata görə, "Azərişıq” ASC-yə məxsus avtomobilin
yoldan çıxaraq dərəyə aşması nəticəsində 2 nəfər ölüb, 2 nəfər yaralanıb.
Hadisə
qurumun Şimal Regional İdarəsinin Sumqayıt bölməsinin əməkdaşlarının yüksək gərginlikli
elektrik xətlərinə baxış keçirməyə gedərkən qeydə alınıb.
Belə
ki, UAZ markalı avtomobil Söhüb kəndi ərazisində yamacdaykən texniki nasazlıq
yaranıb və nəqliyyat vasitəsi dərəyə yuvarlanıb.
Nəticədə
avtomobildə olan Namik Rüstəmov və Zahid Qurbanov hadisə yerində ölüb. Saleh Abzər oğlu Abdullayev (1992-ci il təvəllüdlü,
Sumqayıt şəhəri Corat qəsəbə sakini) sol bazu və sağ baldır sümüklərinin sınığı
diaqnozu ilə, İlkin Mahir oğlu Rəsulov (1984-cü il təvəllüdlü, Sumqayıt şəhər
sakini) kəllə-beyin travması, hər iki budun orta üçdə birinin sınığı, sol
baldırın sınığı, soporoz hal diaqnozu ilə reanimasiya şöbəsinə yerləşdiriliblər.
Hər iki yaralının vəziyyəti kritik kimi qiymətləndirilir.
Faktla bağlı araşdırma aparılır.
Xəbərdən istifadə edərkən istinad etmək vacibdir.