Sumqayıtda 3 gün əvvəl maşın vuran piyada xəstəxanada ölüb.
Xeberle.com-unməlumatına görə, noyabrın 20-də Bakı -Quba yolunun Sumqayıtın Yaşma yaşayış massivi ərazisindən keçən hissəsində   piyada 1970-ci il təvəllüdlü Aslan Vəliağa oğlu Aslanovu yük maşını vurub. Ağır bədən xəsarətləri alan piyada xəstəxanaya aparılaraq reanimasiyaya yerləşdirilib. Həkimlərin səylərinə baxmayaraq o, bu gün səhər saatlarında dünyasını dəyişib.   
Şəhər ərazisində baş verən digər qəza da ölümlə nəticələnib. Belə ki, Hacı Zeynalabdin qəsəbəsində yolu keçmək istəyən 1958-ci il təvəllüdlü Əmirzayeva Aybəniz Şahvələd qızını "VAZ 2107” markalı avtomobil vurub. Piyada xəstəxanaya çatdırılsa da onun həyatını xilas etmək mümkün olmayıb.
Hər iki faktla bağlı araşdırma aparılır.
Xədicə Səxavətqızı

Xəbərdən istifadə edərkən istinad etmək vacibdir.