Sumqayıtda yol polisi əməkdaşı idarə etdiyi avtomobili ağaclara çırpıb.
Hadisə şəhərin Zülfü Hacıyev küçəsində qeydə alınıb.
Belə
ki, sürücü 1985-ci il təvəllüdlü İsa Hüseynov idarə etdiyi Lada "Priora”
markalı avtomobilin idarəetməsini itirərək nəqliyyat vasitəsini yol
kənarındakı ağaclara çırpıb. Qəza nəticəsində sürücü və həyat yoldaşı
1987-ci il təvəllüdlü Fərqiyyə Hüseynova müxtəlif dərəcəli bədən
xəsarətləri alıb. Yaralılar xəstəxanaya yerləşdirilib. F.Hüseynovanın
vəziyyətinin ağır olduğu bildirilir.
Faktla bağlı araşdırma aparılır.
Qeyd edək ki, İ.Hüseynov Sumqayıt Dövlət Yol Polisi Şöbəsinin əməkdaşıdır.(apa.az)
Xəbərdən istifadə edərkən istinad etmək vacibdir.
