Sumqayıtda avtobus sürücüsü yol polisinin "Saxla” əmrinə tabe olmayıb.
Xeberle.com-un məlumatına görə, YPX əməkdaşları tərəfindən avtobus
sürücüsünə "Saxla” əmri verilib. Lakin o, polisin əmrinə tabe olmayıb və
hərəkəti davam etdirib. Yüksək sürətlə şəhərin yolları ilə şütüyən
avtobusu saxlamaq üçün Sumqayıt Dövlət Yol Polisi əməkdaşları maneə
yaradaraq istəklərinə müvəffəq olublar.
Sumqayıt Şəhər İcra Hakimiyyətinin mətbuat katibi Eyvaz Qocayev
bildirib ki, sosial şəbəkələrdə avtobusun qaçırıldığı
və Sumqayıt Nəqliyyat İdarəsinə aid olduğu deyilsə də, bu belə deyil:
"Sosial
şəbəkələrdə Sumqayıtda sərnişin avtobusunun qaçırılması ilə bağlı
paylaşımlar edilir. Məlumat üçün bildirim ki, qeyd olunan avtobus
Sumqayıt Nəqliyyat İdarəsinə aid deyil. Avtobus sürücüsü polis
əməkdaşları tərəfindən saxlanılıb”.
E.Qocayev qeyd edib ki, avtobusun içərisində sərnişin olmayıb.
İlkin ehtimala görə, sürücü
içkili olub və avtobusun Bakı Nəqliyyat Agentliyinə məxsus olduğu
bildirilir.
Sürücü polis əməkdaşları tərəfindən saxlanılıb, araşdırma aparılır.
Xəbərdən istifadə edərkən istinad etmək vacibdir.
