Xeberle.com-un məlumatına görə, hadisə şəhərin Hacı Zeynalabdin qəsəbəsində baş verib. Belə ki, qəsəbə ərazisində olan yeraltı sığınacaqlardan birinə baxış zamanı oradan kişi meyiti tapılıb. Aparılan araşdırma zamanı həmin şəxsin 1979-cu il təvəllüdlü Əmirov Xanəli Əlişan oğlu olduğu müəyyən olunub. Meyitin yanmış vəziyyətdə olduğu bildirilir. Mərhumun meyiti müayinə edilmək üçün aidiyyatı üzrə təhvil verilib.

Faktla bağlı hüquq-mühafizə orqanları tərəfindən araşdırma aparılır.

Qeyd edək ki, X. Əmirov ötən ilin dekabrın 18-dən itkin düşmüşdü.