Sumqayıt şəhərində dostunu bıçaqlayaraq öldürməkdə təqsirli bilinən Elnur Əsədullayevin cinayət işi.
Xeberle.com xəbər verir ki, Sumqayıt şəhər prokurorluğundan verilən xəbərə əsasən, şəhər ərazisində 1992-ci il təvəllüdlü Kamal Əliyevin bıçaqlanaraq öldürülməsi barədə məlumat daxil olub.
Dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilmiş, digər prosessual hərəkətlər yerinə yetirilib.
Faktla bağlı Sumqayıt şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilib.
İstintaqla hadisənin zərərçəkmişin tanışı 1993-cü il təvəllüdlü Elnur Əsədullayev tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edildiyindən o, şübhəli şəxs qismində tutularaq istintaqa cəlb edilib.
İş üzrə təqsirləndirilən şəxs qismində ifadə verən Elnur Əsədullayev, Şumqayıt şəhərinin 9-cu mikrorayonunda yaşadığını bildirib. Kamal Əliyevlə 10 ildən artıq dostluq edib. Son 1 il ərsizdə norkotik vasitələrin təsirindən Kamalın hərəkətlərində dəyişiklik hiss edib. Dostunu bu yoldan geri qaytarmağa çalışıb.
2018-ci ildə Kamal Bakıda bir qızla tanış olub. Hadisədən 4-5 ay əvvəl ortaq tanışları Ramin Şalbuzov Kamalın onun barəsində pis sözlər danışdığını və arxasınca söyüş söydüyünü deyib. Kamala qarşı hər hansı bir pis hərəkəti olmadığından Elnur bərk əsəbləşib. Zəng edib onu kafeyə dəvət edib. Görüş zamanı Kamal hər şeyi danaraq onun arxasınca danışmadığını bildirib.
Bu görüşdən bir neçə gün sonra Kamalın onu söyməsini və arxasınca danışmasını həzm edə bilməyib.
İyulun 17-si dostu Raminə zəng edərək onu Kamalın yaşadığı məhəlləyə aparmasını xahiş edib. Ünvana çatandan sonra Kamalın yanına qalxıb söhbət edib düşəcəyini deyib.
14 saylı yataqxananın girişindən binaya daxil olaraq 4-cü mərtəbəyə qalxıb. Qapını döyəndə dostu içərdən deyib ki, qapı açıqdı. Otağa girən kimi məsələni uzatmamaqdan ötrü bir başa mətləbə keçərək arxasınca söyüş söydüyünü amma qorxusundan boynuna almadığını deyib. Kamal söyüş söydüyünü etiraf edəndə Elnur yumruqla sifətinə vurub və dərhal şalvarından bıçaqı çıxarıb Elnurun sol döş qəfəsinə bir zərbə vurub. Bu zaman dostu muqavimət göstərməyə çalışıb. Səs-küy yaranmadan onu qətlə yetirmək üçün ardıcıl zərbələr vurub. Kamalın öldüyündən əmin olandan sonra dəsmalla bıçağın üzərindəki qanı silib və otaqdan çıxıb.
Elnur Əsədullayev ifadəsinin davamın da bildirib ki, cinayəti törətdikdən sonra evlərinə gedərək ailə üzləri ilə sağollaşıb və polis bölməsinə gedərək könüllü təslim olub.
Məhkəmə iclasında Elnur Əsədullayev ittiham üzrə özünü təqsirli bilib və əməlindən peşman olduğunu qeyd edib.
Zərərçəkmiş şəxsin hüquqi varisi təqsirləndirilən şəxslə barışdığını və ona qarşı şikayətinin olmadığını bildirib.
Məhkəmə nəticəyə gəlib ki, təqsirləndirilən şəxsin əməli ibtida istintaq orqanı tərəfindən düzgün olaraq CM-nin 120.1-ci (qəsdən adam öldürmə) maddəsi ilə tövsif edilib.
Sonda məhkəmənin hökmü ilə Elnur Əsədullayev 10 il 6a ay müddətinə azadlıqdan məhrum olunub.
Xəbərdən istifadə edərkən istinad etmək vacibdir.
