Novxanı bağlarında qətl hadisəsi baş verib.
Xeberle.com xəbər verir ki, bu barədə Daxili İşlər Nazirliyi məlumat yayıb.
Məlumata əsasən, hadisə sentyabrın 29-da gecə saat 03:00 radələrində R.Əlixanova məxsus bağ sahəsində baş verib. Əlixanov həyətinə girən 40-45 yaşlı kişini külünglə öldürüb, ondan sonra meyiti yaxınlıqdakı bağ evinin həyətində basdırıb.
Hüquq-mühafizə orqanları tərəfindən aşkar olunan meyit ekshumasiya edilib, şəxsiyyətinin müəyyən edilməsi istiqamətində tədbirlər görülür. R.Əlixanov isə şübhəli şəxs qismində saxlanılıb.
Sumqayıt Şəhər Prokurorluğunda araşdırma aparılır.
Xəbərdən istifadə edərkən istinad etmək vacibdir.
