Sumqayıtda market yarılıb.
Xeberle.com-un məlumatına görə, oğurluq hadisəsi şəhərin Nəriman Nərimanov küçəsində fəaliyyət göstərən "Pioner" marketdə baş verib. Market naməlum şəxs və ya şəxslər tərəfindən yarılıb.
Hadisədən səhər işə gələrkən xəbər tutulub. Dərhal Sumqayıt şəhər Polis İdarəsinə məlumat verilib. Marketin təhlükəsizlik kamerasına və hadisə baş verən əraziyə baxış keçirilib. Araşdırma zamanı məlum olub ki, gecə saatlarında naməlum şəxslər talançılıq məqsədi ilə marketə daxil olublar. Gün ərzində kassadan toplanaraq saxlanılan küllü miqdarda pul və qida məhsullarının aparıldığı bildirilir.
Faktla bağlı Sumqayıt şəhər Polis İdarəsində araşdırma aparılır.
Xəbərdən istifadə edərkən istinad etmək vacibdir.
