Bakı -Quba yolunun əsaslı təmiri zamanı yaxınlıqdakı obyektlərə ciddi ziyan dəyib. Obyekt sahiblərinin iddiasına görə divarlarda iri çatlar əmələ gəlib. İş icraçıları yolların təmiri və genişləndirilməsi zamanı belə vəziyyətin yarana biləcəyini istisna etmirlər. Məsələyə Avtomobil Yolları Dövlət Agentliyi də münasibət bildirib.
Obyektlərdən birinin sahibi Niyaz Novruzbəyov iddia edir ki, buna səbəb texnikaların obyektin lap yaxınlığında işləməsidir.
İş icraçısı Əli İmranov deyir ki, yolların əsaslı təmiri, genişləndirilməsi zamanı belə hallar ola bilər. O, təmir işlərinin obyektlərə cüzi təsir göstərdiyini bildirib.
Məsələyə Azərbaycan Avtomobil Yolları Dövlət Agentliyinin mətbut xitmətinin rəhbəri Anar Nəcəfli də münasibət bildirib. Onun sözlərinə görə, dəymiş ziyanla bağlı quruma heç bir şikayət daxil olmayıb. ''Əgər müraciət olarsa, məsələ araşdırılacaq''-deyə Anar Nəcəfli əlavə edib.
Xəbərdən istifadə edərkən istinad etmək vacibdir.
