Sumqayıt Texnologiyalar Parkı (STP) dünən baş vermiş avtobus qəzası ilə bağlı məlumat yayıb.
STP-dən verilən məlumatda bildirilib ki, bir sıra media qurumlarında Sumqayıt Texnologiyalar Parkına məxsus avtobusun qəzaya uğraması barədə əssasız xəbər dərc edilib.
Qurumun mətbuat xidmətinin məlumatına görə, mayın 11-i saat 9 radələrində Bakı – Sumqayıt yolunda, Sumqayıt Texnologiyalar Parkının qarşısında sərnişin avtobusu qəzaya uğrayıb. Zərərçəkənlərə təxirəsalınmaz tibbi yardım göstərmək məqsədilə STP-nin SƏTƏM bölməsinin Tibb məntəqəsinin əməkdaşları dərhal hadisə yerinə yaxınlaşıblar. Qəzada 9 nəfərin yüngül xəsarət aldığı müəyyənləşdirilərək, onlara ilkin tibbi yardım göstərilib. 103 xidməti gəldikdən sonra xəsarət alanlar təkrar yoxlama üçün xəstəxanaya aparılıblar.
"Hadisə ilə əlaqədar STP olaraq bildiririk ki, qəza edən avtobusun STP Şirkətlər Qrupuna aidiyyəti yoxdur və xəsarət alanlar içərisində STP əməkdaşı olmayıb”.
Xəbərdən istifadə edərkən istinad etmək vacibdir.
