Ötən gün Sumqayıtda itkin düşdüyü deyilən 17 yaşlı Fikrət Əliyevin kanalda batdığı məlum olub.
Xeberle.com xəbər verir ki, Fövqəladə Hallar Nazirliyinin (FHN) "112" qaynar telefon xəttinə Taxtakörpü-Ceyranbatan kanalının Sumqayıt şəhəri, Hacı Zeynalabdin qəsəbəsi ərazisindən keçən hissəsində 2005-ci il təvəllüdlü Əliyev Fikrət Məhərrəm oğlunun batması barədə məlumat daxil olub.
Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.
F. Əliyevin meyiti sudan çıxarılaraq aidiyyatı üzrə təhvil verilib.
Xəbərdən istifadə edərkən istinad etmək vacibdir.
