Sumqayıtda axşam saatlarında yanğın baş verib.

Xeberle.com-un məlumatına görə, yanğın şəhərin Çerkassı küçəsində fəaliyyət göstərən şüşə məmulatları sexində qeydə alınıb. Yanğın 1000 kvadratmetrə yaxın ərazini əhatə edib. Hadisə yerinə 10-a yaxın yanğınsöndürən avtomobil və canlı qüvvə cəlb olunub. Sumqayıt şəhər Polis İdarəsinin əməkdaşları da dəstək məqsədi ilə əraziyə gəliblər.

Yanğın söndürülüb və digər ərazilərə keçməsinin qarşısı alınıb. Soyutma işləri aparılır. Xəsarət alan olmayıb.

Yanğının baş vermə səbəbləri ilə bağlı təhqiqat aparılır.

Qeyd edək ki, baş vermiş yanğınla əlaqədar Bakı şəhərinin Yasamal və Binəqədi rayonlarından hadisə yerinə əlavə briqada göndərilib.