Sumqayıtda kross yarışının qaliblərinin mükafatlandırılması mərasimi keçirib.
Xeberle.com xəbər verir ki, bununla bağlı Sumqayıt bulvarında tədbir keçirilib.
Tədbirdə Sumqayıt Şəhər İcra Hakimiyyəti başçısının birinci müavini Teymur Səmədov, YAP Sumqayıt şəhər təşkilatının sədri Ramiz Hüseynov, Sumqayıt şəhər Gənclər və İdman Baş İdarəsinin rəisi Elgün Hümbətov, "Etilen-polietilen” zavodunun direktoru Oqtay Niftəliyev və "Azərikimya” İB Həmkarlar İttifaqı Komitəsinin sədri Aydın Xəlilov çıxış ediblər.
Bildirilib ki, 200 nəfərin iştirak etdiyi idman yarışında kişilər arasında yüksək əzmkarlıq nümayiş etdirən "Sumqayıt Texnologiyalar Parkı” MMC-nin əməkdaşı Şahin Səfixanov finişə birinci çatıb. "SOCAR-Polymer” MMC-nin işçisi Samir Cavadov və Sumqayıt Dövlət Universitetinin tələbəsi İsmət Əzimzadə müvaviq olaraq ikinci və üçüncü yerləri bölüşüblər.
Qadınlar arasında isə YAP Sumqayıt şəhər təşkilatının nümayəndəsi Tünzalə Süleymanova turnirin birincisi olub, Sumqayıt Dövlət Universitetinin tələbələri Zeynəb Quliyeva və Nəzrin Həsənova isə ikinci və üçüncü yerlərlə kifayətləniblər.
Qaliblərə "Azərikimya” İB-nin Həmkarlar İttifaqı Komitəsi tərəfindən diplom, mükafatlar və medallar təqdim olunmuşdur.
Xəbərdən istifadə edərkən istinad etmək vacibdir.
