Azərbaycan Premyer Liqasının XXIV turunda keçirilmiş "Sumqayıt” - "Sabah” oyununda maraqlı hadisə baş verib.
Xeberle.com xəbər verir ki, qarşılaşmanın 61-ci dəqiqəsində qonaq komandanın futbolçusu Kristian Sebalyos top rəqib qapıçı İlnur Valievin əlində olarkən başı ilə topu ondan alıb boş qapıya vurub. Matçın baş hakimi Cavid Cəlilov qayda pozuntusunu qeydə alaraq, qolu saymayıb.
"Barselona”nın yetirməsi olan, K.Sebalyosun qeyri-adi hərəkəti sosial şəbəkələrdə müzakirələrə səbəb olub.
Qeyd edək ki, matç "Sabah”ın qələbəsi ilə başa çatıb - 4:0. Oyunda son qolu da 72-ci dəqiqədə elə Sebalyos vurub.(oxu.az)
Xəbərdən istifadə edərkən istinad etmək vacibdir.
