12-18 iyun 2023-cü il tarixlərində Bakı şəhərində boks üzrə məktəblilər arasında Azərbaycan birinciliyi keçirilib.
Xeberle.com xəbər verir ki, birincilikdə 52 komandadan 227-dən çox boksçu mübarizə aparıblar. Altı gün davam edən və gərgin idman mübarizəsi şəraitində keçən yarışda Sumqayıt idmançıları Əli Abbaslı (38 kq), Təşkilat Quliyev (50 kq), Seydəmir Quliyev (54 kq), Qiyas Mehdiyev (75 kq) qızıl, Turan Hacıyev (46 kq), Əflatun İsmiyev (52 kq), Cəmil Tapdıqlı (63 kq) gümüş, Əli Ruşanov (38), Hüseyn Quliyev (40 kq), Kərim Sultanov (42 kq), Şükar Əliyev (54 kq), Ayxan Sadıqlı (66 kq) və Cavidan Qurbanzadə (80 kq) yarışın bürünc medalına layiq görülüblər.
Yarışın final mərhələsində komanda hesabında Sumqayıt boksçuları 52 xalla birinci yerə çıxıblar.
Xəbərdən istifadə edərkən istinad etmək vacibdir.
