Musa Qurbanlını transfer etməyə hazırlaşan "Dürqarden” ona əsas hücumçu gözü ilə baxır. İsveç klubu hücumçusu Viktor Edvardsenin gedişindən sonra Coel Asoro və Yakob Berqstremi də bu yay satmaq istəyir. Belədə millimizin üzvü onları əvəz etməlidir.
Dünən İsveç çempionatında "Varberqs” üzərində 2:0 hesabı ilə qalib gəlib turnir cədvəlində 4-cü pilləyə qalxan "Dürqarden”in oyununu Musa stadionda canlı izləyib. "Expressen”in yazdığına görə, Qurbanlının transferi 6 milyon İsveç kronuna (510 min avro) başa gələcək. Bu, klub tarixinin ən bahalı transferlərindən biri olacaq”.
"Dürqarden”nin idman direktoru Bosse Anderson "Qarabağ”ın hücumçusunun Stokholmda olduğunu təsdiqləyib: "Bazar günü onun bura gəlməsi üçün icazə aldıq, mühüm seçim edir. Mənim onun haqda təəssüratım yaxşıdır. O, "Qarabağ” və milli komandada oynayır, çoxlu qol vurub”.
Xatırladaq ki, "Dürqarden” bu mövsüm Konfrans Liqasında yarışacaq. Turnirə ikinci mərhələdən başlayacaq komandanın ilk rəqibi İsveçrə "Lütsern”i olacaq.
Qurbanlı ilə 3 illik müqavilə imzanacağı, "Qarabağ”ın bu transferdən yarım milyon avro, futbolçunun özünün isə ilinə 200 min avro qazanacağı gözlənilir.(futbolinfo.az)
Xəbərdən istifadə edərkən istinad etmək vacibdir.
