Azərbaycan millisinin üzvü Vüsal İsgəndərlinin formasını geyindiyi "Eqnatiya" klubunun bu gün Konfrans Liqasının I təsnifat mərhələsi çərçivəsində İrəvanda meydana çıxacağı barədə məlumat vermişdik. Albaniya təmsilçisi Ermənistanın "Ararat" klubunun qonağı olacaq.
TNS xəbər verir ki, futbolçumuz bu matçda iştirak edə bilər. O, yeni komandası ilə birlikdə ötən gün İrəvana yollanıb.
Bu gün isə futbolçumuz maraqlı paylaşım edib. O, komanda yoldaşları ilə birlikdə İrəvanın mərkəzindən, şəhər gəzintisi zamanı çəkilən şəkil paylaşıb.
Vüsal oyun günü olduğundan qaydalara uyğun olaraq açıqlama verməsə də, vəziyyətin yaxşı olduğunu, hansısa problemlə üzləşmədiyini və xüsusi mühafizə altında olduğunu bildirib.
Qeyd edək ki, "Ararat" - "Eqnatiya" oyunu bu gün saat 19:00-da keçiriləcək.
Xəbərdən istifadə edərkən istinad etmək vacibdir.
