AFFA İntizam Komitəsi "Araz-Naxçıvan”ın məşqçisi Əfran İsmayılovu cəzalandırıb.
Xeberle.com məlumat verir ki, buna gənc mütəxəssisin Premyer Liqanın IV turunda "Sumqayıt”la oyundakı davranışı səbəb olub.
İsmayılov matç bitdikdən sonra rəsmi şəxslərin tələblərinə əməl etmədiyindən, 1-i şərti olmaqla 2 oyunluq cəzaya məruz qalıb. "Araz-Naxçıvan” isə 1000 manat cərimələnib.
Bundan başqa, görüş ərzində 5 futbolçusu sarı vərəqə alan "Sumqayıt” 700 manat cəriməyə məruz qalıb.
Xəbərdən istifadə edərkən istinad etmək vacibdir.
