Bu mövsüm basketbol üzrə ölkə çempionatında debüt edəcək komandalardan biri də "Sumqayıt”dı.
Lakin debütantın şəhərin futbol komandası olan "Sumqayıt”ın loqosundan yararlanması qəribədi. Bu iki komandanı bir-birinə nəsə bağlamırsa, niyə belə addım atılıb? Bu sualı "Sumqayıt” futbol klubunun mətbaut xidmətinin rəhbəri Zaur Xudiyevə ünvanladıq:
"Sumqayıt” BK və futbol klubu bir şəhəri müxtəlif idman növlərində təmsil edən kollektivlərdi. Və onların bizim loqomuzdan, adımızdan istifadə etməsi problem deyil. Əslində biz "Sumqayıt” futbol klubu olaraq, basketbol klubunun yaranmasına tövsiyə xarakterli məsləhətlərlə dəstək vermişik. Adımız, loqomuz eyni olsa da, idarəçilik, maliyyə dayaqları fərqli olacaq. Amma istənilən halda eyni şəhəri təmsil edən fərqli idman klubudusa, təbii ki, oxşarlıq da və bir-birinə hardasa bağlılıq da olacaq. Sadəcə, dediyim kimi, özünün ayrıca idarəçilik strukturu, rəhbəri, məşqçisi var. O baxımdan bizə aidiyyatı yoxdu”.
Xəbərdən istifadə edərkən istinad etmək vacibdir.
