Sumqayıt Olimpiya İdman Kompleksində fudokan karate-do idman növü üzrə açıq turnir keçirilib. Federasiyanın Sumqayıt nümayəndəliyinin təşəbbüsü ilə keçirilən tədbiri Zəfər Gününə həsr edilib.
AZƏRTAC xəbər verir ki, turnir Abşeron-Xızı Regional Gənclər və İdman İdarəsi, Azərbaycan Karate Federasiyası, Azərbaycan Ənənəvi Karate-do Federasiyası və Azərbaycan Fudokan Karate-do İdman Təşkilatının birgə təşkilatçılığı ilə reallaşıb.
Açılış mərasimi noyabr 5-də Azərbaycanın Dövlət himnin səsləndirilməsi ilə başlayan turnirdə şəhidlərin xatirəsi bir dəqiqəlik sükutla yad edilib.
Mərasimdə çıxış edən Abşeron- Xızı Regional İdman İdarəsini nümayəndəsi Mail Hümbətov, Karate –do Federasiyasının baş katibi Əhməd Əfəndi, Fudokan Karate-do İdman təşkilatının rəhbəri Vüsal Abdullazadə, Baş Prokurorluğun xüsusi müsadirələr prokuroru və təşkilatın fəxri prezidenti Məmməd Əliyev, "Gənc Qazilər" ictimai birliyinin sədri Hacı Vəliyev
turnirin əhəmiyyətindən danışıb, yarış haqqında məlumat verib, idmançılara uğurlar arzuladılar.
Bildirilib ki, Bakı, Sumqayıt şəhərləri, həmçinin Abşeron, Biləsuvar, Qubadlı, Cəlilabad, Ağstafa və digər rayonlardan mübarizəyə 300-ə yaxın fudokançı qatılıb.
Qaliblərə fəxri fərman, diplom və Zəfər gününə təsis edilmiş xüsusi medallar təqdim ediləcək.
Xəbərdən istifadə edərkən istinad etmək vacibdir.
