16-20 aprel 2015-ci il tarixlərində Serbiyanın Novi Sad şəhərində keçirilmiş sambo güləşi üzrə yeniyetmə və gənclər arasında Avropa birinciliyində Respublika yığma komandasının üzvü, Sumqayıt şəhər 2 saylı Uşaq Gənclər İdman Məktəbinin yetirməsi Namiq Abbaslı 56 kq. dərəcəsində uğurla çıxış edərək yeniyetmələr arasında Avropa birinciliyinın gümüş mükafatçısı olmuşdur.

Cari ilin 24-26 aprel tarixlərində Gürcüstanın Bolnisi şəhərində 20 yanvar Azərbaycan və 9 aprel Gürcüstan Şəhidlərinin xatirəsinə həsr olunmuş beynəlxlaq sambo turniri keçirilmişdir. Yarışda Respublikamızı Bakı və Gəncə şəhərləri ilə yanaşı Sumqayıt samboçuları da təmsil edirdi. Ümumilikdə turnirdə 20-ə yaxın komanda mübarizə aparırdı. Sumqayıt idmançıları 1 qızıl, 3 gümüş və 4 bürünc medal qazanaraq komanda hesabında üçüncü yeri tutmuşdur.

Beləliklə Əli Kərimov (46kq) birinci, Vəfadar Quliyev (56kq), Sübhan İsrafilli (46kq), Rəhim Bayramlı (50kq) ikinci, Sahil Kərimli (50kq), Rövşən Qurbanov (35kq), Abbas Dadaşov (60kq) və Fariz Abdulkərimov (66kq) üçüncü yerə layiq görülmüşlər. (sumqayit.gen.az)