Tbilisidə karatenin şotakan növü üzrə 6-cı Dünya çempionatında Azərbaycan idmançıları uğurlu çıxış ediblər. Azərbaycanın 6 yaşdan 14 yaşadək olan oğlan və qız karateçilərinin əksəriyyəti mundialı qələbə ilə başa vurublar. İdmançılarımız 12-si qızıl olmaqla 18 medal qazanıblar.

14-15 yaşlı yeniyetmələr arasında 70 kq çəki dərəcəsində yarışa qatılan sumqayıtlı idmançı Murad Hacızadə vətənə qızıl medalla qayıdıb.

Murad Hacızadə bildirib ki, gürcüstanlı və rusiyalı idmançıları məğlub edərək finalda başqa bir gürcü idmaçı ilə qarşılaşıb. Final döyüşlərində rəqibini məğlub edərək  dünya çempionatın qalibi olub.

Qeyd edək ki, daha öncə gənc idmançı Avropa və Dünya kuboku mükafatçıs olub.(sumqayitxeber.com)