2024-2025 mövsümündə Azərbaycan Kubokunun final matçının keçiriləcəyi stadion müəyyənləşib.
Bununla bağlı Oxu.Az-a açıqlamasında Peşəkar Futbol Liqasının prezidenti Elxan Səmədov danışıb.
"Hər hansı fors-major hal yaşanmasa, Azərbaycan kubokunun finalı Mehdi Hüseynzadə adına Sumqayıt şəhər stadionunda keçiriləcək", - deyə E.Səmədov bildirib.
Xatırladaq ki, ötən mövsümün final görüşü "Liv Bona Dea" arenada keçirilmişdi.
Qeyd edək ki, Azərbaycan Kubokunun final görüşü ilk dəfə Sumqayıtda yeni stadionda keçiriləcək.
Xəbərdən istifadə edərkən istinad etmək vacibdir.
