"Sumqayıt" 2015/2016 mövsümü üçün hazırlığın ilk mərhələsinə iyulun 1-də start verəcək. Futbolinfo.az xəbər verir ki, "kimyaçılar" gündə 2 dəfə olmaqla "Kapital Bank Arena"da hazırlaşacaq.
Bu müddət ərzində komanda 3 yoxlama matçı keçirəcək. Aqil Məmmədovun yetirmələri ilk olaraq iyulun 4-də "Kəpəz"lə üz-üzə gələcək. Həmin qarşılaşma saat 18:00-da "Dalğa Arena"da baş tutacaq.
"Gənclik şəhəri" təmsilçisi növbəti yoxlama oyununu iyulun 11-də AZAL-a qarşı keçirəcək. Həmin görüş isə "Kapital Bank Arena"da saat 19:00-da start götürəcək. Digər rəqib barəsində isə məlumat veriləcək. (futbolinfo.az)
Xəbərdən istifadə edərkən istinad etmək vacibdir.
