Avropa Çempionatlarının gümüş və bürünc medalçısı, yerli idmançı Elmar Qasımov I Avropa Oyunlarında ilk oyununa çıxıb.
Azərbaycan nümayəndə heyətinin bayraqdarı olan Elmar 100 kq-dək çəki dərəcəsi üzrə kişilər arasında cüdo yarışında Portuqaliyadan olan cüdoçu Jorge Fonseka ilə üz-üzə gəlib. Döyüşə yaxşı başlayan Elmar Qasımov bu mübarizəni sona kimi çatdıra bilməyib. Rəqibinə ipponla (təmiz qələbə) məğlub olan təmsilçimiz mübarizəni 1/16 final mərhələsində dayandırıb. 
Digər cüdo üzrə Dünya çempionu və 2013-cü ilin idmançısı Elxan Məmmədov da tatamidən başı aşağı çıxıb. Elxan Məmmədov 1/16 final mərhələsində Çexiyadan olan cüdoçu Lukas Krpaleklə qarşılaşıb. İdmançımız da ipponla (təmiz qələbə) məğlub olaraq yarışı erkən dayandırıb. 
Azərbaycan təmsilçisi Elmar Qasımov 2014 Avropa Çempionatında (Montpellier) - 2-ci yeri, "Grand Slam" turnirində(Tümen) -1-ci yeri, 2012 Avropa Çempionatında (Çelyabinsk) - 3-cü yeri, 2009 Avropa Çempionatında (21 yaşlı idmançılar arasında) (İrəvan) - 1-ci yeri tutub. Elmar Qasımov Azərbaycan bayrağını Ermənistanda dalğalandıran sayılı idmançılarımızdandır.




Elxan Məmmədovun nəticələri isə belədir: 2013 Dünya Çempionatı (Rio-de-Janeyro) - 1-ci yer; "World Masters" turniri - 1-ci yer; 2010 Dünya Çempionatı (Tokyo) - 3-cü yer; Avropa Çempionatı - 3-cü yer; 2009 Avropa Çempionatı - 3-cü yer; 2008 Avropa Çempionatı - 2-ci yer.
Azərbaycan cüdo üzrə yığmasının üzvü Elxan Məmmədov 





Hazırda cüdo üzrə yarışlar davam edir. Oyunlara Bakı 2015-in yayımladığı videodan canlı olaraq baxa bilərsiniz.  (anspress.com)