"Lazımi infrastruktur mövcuddur”.
Rusiya Federasiyası Olimpiya Komitəsinin prezidenti Aleksandr Jukov bəyan edib ki, Kazan Moskva, Sankt-Peterburq və Soçi kimi Avropa Oyunlarını artıq indi qəbul edə bilər.
"Rusiyaya gəldikdə isə hal-hazırda bizim artıq formalaşmış və iri idman hadisələrinin keçirilməsini nəzərdə tutan yetərincə sıx qrafikimiz var, - Rusiya Federasiyası Olimpiya Komitəsinin rəhbəri bildirib. – Bilirsiniz ki, 2018-ci ildə futbol üzrə dünya çempionatı, 2019-cu ildə isə Krasnoyarskda qış Universiadası keçiriləcək”.
Jukov qeyd edib ki, bu turnirlər ciddi maliyyə xərcləri də tələb edir, və ən əsas ciddi hazırlıq tələb edir.
Onun sözlərinə görə, gələcəkdə biz şübhəsiz ki, Avropa Oyunlarının Rusiyada keçirilmə imkanını nəzərdən keçirəcəyik.
"Deyərdim ki, artıq indi minimum 4 şəhər bu yarışları keçirə bilər. Bu, Moskva, Sankt-Peterburq, Soçi və Kazandır. Hər yerdə lazımi infrastruktur, obyektlər var, qonaqlar və iştirakçılar üçün bütün şərait yaradılıb. Ona görə də biz Avropa Oyunlarının perspektivdə Rusiyada keçirilməsi imkanı barədə düşünəcəyik”, ROK rəhbəri deyib. (oxu.az)
Xəbərdən istifadə edərkən istinad etmək vacibdir.
