İdman məkanlarından istifadəyə görə ödəniş vətəndaşın cibinə uyğun təyin ediləcək.
Avropa Oyunlarının keçirildiyi bütün idman arenaları bundan sonra insanların istifadəsinə veriləcək. Paytaxt sakinlərini daha çox maraqlandıran isə Bayıl qəsəbəsində yerləşən Su idman sarayıdır.
Bu idman arenasına olan maraq isə məkanda üzçülük üçün yaradılmış ən müasir şəraitdən irəli gəlir. Bundan sonra Su sarayının imkanlarından hovuzlarından istənilən şəxs müəyyən məbləğ ödəməklə istifadə edə biləcək.
Ödənişli əsaslarla isə nəinki Su arenasından oyunların keçirildiyi bütün idman məkanlarından istifadə etmək mümkün olacaq. Bu siyahıya Heydər Əliyev adına idman arenası, Əl oyunları sarayı, Gimnastika, Atıcılıq arenasında müxtəlif idman növlərinin məşqləri üçün uyğunlaşdırılacaq.
İdman məkanlarından istifadəyə görə ödəniş isə orta statistik gəlirləri olan vətəndaşın cibinə uyğun təyin ediləcək.
"İdman arenalarına müdiriyyət təyin olunduqdan sonra arenaların strategiyası, yəni fəaliyyət istiqaməti müəyyənləşdiriləck. Eyni zamanda maliyyə məsəllərinə baxlıcaq, fəaliyyətə başlayacaq. Bu qurğular sadə bir qurğular deyil, onun saxlanması maliyyə baxımında bir qədər çətinlik törədəcək. Buna görə də bu qurğulardan istifadə edəcək vətəndaşın cibinə uyğun belə bir tarif hazırlanacaq. Hazırda bunula bağlı bir rəqəm deyə bilmərəm. Çünki bunu üçün isə komplekslərin saxlanması ümumi xərcləri müəyyənləşməlidir”, – deyə gənclər və idman nazirliyinin idman şöbəsinin müdiri Mirkamil Rəhimov bildirib.
İstifadə istiqaməti hələ ki təyin olunmayan yeganə məkan Milli Olimpiya Stadionudur. (anspress.com)
Xəbərdən istifadə edərkən istinad etmək vacibdir.
