"Bakı"nın futbolçusu Vüqar Bəybalayev nəhayət "Sumqayıt"ın heyətində ilk məşqinə çıxıb. Lakin bu o anlama gəlməsin ki, artıq tərəflər arasında münasibətlər rəsmləşib. 

İş ondadır ki, klub futbolçuya vəd etdiyi pulu verə bilmir. Buna da səbəb sponsorların büdcəni gözlənilmədən azaltmasıdır. Hər şeyin bu cür alınması futbolçunu da pis vəziyyətdə qoyub. Bir ay əvvəl vəd olunan pulu ala bilməyəcəyini görən futbolçu digər təklifləri də geri çevirdiyi üçün indi çarəsiz qalıb. Ya "Sumqayıt"ın təklif etdiyi məbləğə razı olub oynamalıdır, ya da futbolsuz qalmalıdır. Ancaq onun "Sumqayıt"ın məşqlərinə qatılması deməyə əsas verir ki, böyük ölçüdə elə bu komandada oynamağa razılaşacaq.  (rekord.az)