"Sumqayıt"da əhval-ruhiyyə yaxşı deyil. Səbəb komandanın toplanış dövründə keçirdiyi 3 yoxlama görüşündə gözlənilən oyunu göstərməməsidir.
AZAL-la 2:2 başa çatan son matçdan sonra klub prezidenti Kamran Quliyevin və baş məşqçi Aqil Məmmədovun qanı əməlli-başlı qaralıb.
"Təyyarəçilər"in gənc və təcrübəsiz futbolçularını üstələyə bilməyən "Sumqayıt" futbolçuları rəhbərliyi və baş məşqçini dilxor edib. Hətta Aqil Məmmədov o qədər əsəbi olub ki, mətbuata açıqlama verməkdən də imtina edib. Əldə etdiyimiz son məlumata görə, məhz AZAL-la oyundan sonra rəhbərlik səviyyəsində futbolçularla ciddi söhbət olub və onlara xəbərdarlıq edilib ki, çempionatın startına kimi öz oyunlarını yaxşılaşdırsınlar. (rekord.az)
Xəbərdən istifadə edərkən istinad etmək vacibdir.
