Çempionlar Liqasının ikinci təsnifat mərhələsində ölkəmizi təmsil edən Ağdamın "Qarabağ" klubu iyulun 20-si "Rudar"la matç üçün Monteneqroya yollanıb.
Hava limanında sualları cavablandıran klubun baş məşqçisi Qurban Qurbanov bildirib ki, Bakıda qazanılan qolsuz heç-heçənin təhlükəli hesab olduğunu bildirib. İlk matçla müqayisədə heyətdə ciddi dəyişiklik etməyəcəyini deyən Qurbanov komandanın sıralarına yeni qoşulan futbolçulara 18 nəfərlik heyətdə yer verəcəyini bildirib.
Çempionlar Liqası fərqli turnirdi, burada zəif komanda olmur. Hər oyuna qələbə üçün çıxırıq. Matçın gedişatında bəzi dəyişikliklər gözləniləndi. Hətta olub ki, Bakıda məğlub olmuşuq, heç-heçə oynamışıq, amma səfərdə uğurlu nəticə əldə etmişik. İndi də əlimizdən gələnin ən yaxşısını etməyə çalışacağıq - deyə Qurban Qurbanov sözlərinə əlavə edib.
"Rudar" - "Qarabağ" oyun 22 İyul, saat 23:45-də keçiriləcək. Bu komandalar arasındakı ilk qarşılaşmada hesab açılmamışdı. (anspress.com)
Xəbərdən istifadə edərkən istinad etmək vacibdir.
