Azərbaycanın  U-19 yığmasının üzvü  Cem Felek karyerasını "Qalatasaray”da davam etdirə bilər.

Qol.Az-ın Türkiyə mətbuatına istinadən yaydığı xəbərə görə,  19 yaşlı futbolçu ilə razılıq əldə olunub.

Son olaraq Şotlandiyanın "Aberdin” klubunda forma geyən yarımmüdafiəçinin "Qalatasaray”ın U-21 komandasında oynayacağı iddia edilir.

Türk əsilli C.Felek 13 yaşında "Xəzər Lənkəran”la müqavilə bağlayıb. Sonradan o, Almaniyanın "Ayntraxt” klubunun futbol akademiyasına gedib və 2011-2013-cü illər arasında "Ayntraxt” U-17 komandasında oynayıb. 2013-cü ildə isə Cem Fələk "Bohum” klubuna keçibvə 2013-14 mövsümündə komandanın U-19 heyətində çıxış edib.

Cem Felek 2012-ci ildə 17 yaşadək futbolçulardan ibarət millimizə çağırılıb və meydana çıхdığı 11 oyunda 5 qol vurub. 2014-cü ildən isə o, 19 yaşadək futbolçulardan ibarət yığmamıza dəvət alır.