Dramatik deuldən kataloniyalılar qalib ayrıldı
Bu gün Avropanın ən güclü klubunun adına Superkubok matçında aydınlıq gəlib.
Sportal.az xəbər verir ki, Gürcüstanın paytaxtı Tiflisdəki "Dinamo Arena”da baş
tutan görüşdə Çempionlar Liqasının son qalibi "Barselona” ilə Avropa
Liqasını qazanan "Sevilya” qarşılaşıb.
Qarşılıqlı
qollarla başlayan qarşılaşmada azarkeşlər qol "yağışı"na şahidlik
ediblər. "Sevilya" hesabı açmasına baxmayaraq, "Barselona" dərhal buna
cavab verib. İkinci hissənin əvvəlində kataloniyalılar hesabda 4:1
irəlidə olmasına rəğmən əndəluslular təslim olmayıblar.
Bununla
da oyunda möhtəşəm i dönüş edən "Sevilya” hesabı bərabərləşdirib -
4:4.Bu isə qalibi müəyyən etmək üçün görüşün daha yarım saat uzanmasına
səbəb olub.Əlavə vaxtda Pedro Rodrigesin qolu "Barselona"nın dramatik
dueldən qalib ayrılmasıyla nəticələnib.
Kataloniya
təmsilçisi bu il İspaniya La Liqası, İspaniya Kral Kuboku və UEFA
Çempionlar Liqasından sonra UEFA Superkubokunun da qalibi olub.Tarixi
ərzində 9-cu dəfə Superkubokda çıxış edən "Barselona” 5-ci dəfə kuboka
yiyələnərək rekordçu "Milan”a çatıb.
