Rafiq Hüseynov hərbçilərin 6-cı Dünya İdman Oyunlarının qalibi olub.

 Cənubi Koreyanın Munqyeonq şəhərində hərbçilərin 6-cı Dünya İdman Oyunları davam edir. Hərbçilərin Dünya İdman Oyunlarında yunan-Roma güləşi yarışlarının ilk günündə 59, 71, 80 və 98 kq çəkidə güləşçilər mübarizə aparır. 

80 kq çəki dərəcəsində yarışlarda iştirak edən yığma komandanın üzvü Rafiq Huseynov finala qədər inamlı güləşib. İlk görüşdə Estoniyadan Hardo Tuts (8:2), ardınca Litvadan Julius Mateuzeviçus (4:0) güləşçimizin qarşısında xalçanı məğlub tərk edib. 

Yarımfinalda Ermənistan idmançısı Sargis Koçaryanla görüş də Rafiq Hüseynovun (4:1) qələbəsi ilə nəticələnib və güləşçimiz finala yüksələq rəqibi Rusiya təmsilçisi Yevgeni Saleev olub. Həmyerlimiz Saleevi məğlub edərək çempion olub. 3-cü yeri ukraynalı idmançı Oleksandr Şişman ilə erməni güləşçi Sarqis Koçeryan bölüblər. Turnirdə artıq azərbaycanlı idmançıların bu medal 3-cü oldu. Əvvəl Coşqun Əzimov (70) qümüş medal, Ağahüseyn Müstafayev (65) bürünc medal qazanıblar. 

Rafiq Hüseynov Bakida keçirilən ilk Avropa oyunlarında da çempion olmuşdu. 


Rafiq Hüseynov birinci Avropa oyunlarında


Oktyabr ayının 2-dən Cənubi Koreyada keçirilən Hərbçilərin 6-cı Dünya Oyunlarında Azərbaycan 4 idman növündə təmsil olunur. Turnirdə azərbaycanlı idmançılar boks, güləş,cüdo və taekvondo yarışlarında qızıl medallar uğrunda mübarizə aparırlar.
Oyunlar oktyabrın 12-dək davam edəcək. 

Sonuncu dəfə Hərbçilərin Dünya Oyunları 2011-ci ildə Rio-de-Janeyro şəhərində baş tutub. Azərbayacanlı idmançılarının da iştirak etdiyi Oyunların qalibi komanda hesabında Braziliya olub.(ANS PRESS).