M.Hüseynzadə adına Sumqayıt şəhər stadionunda UEFA və AFFA-nın birgə layihəsi əsasında Sumqayıt şəhəri Gənclər və İdman Baş İdarəsi və Şimal Regional Futbol Federasiyasının təşkilatçılığı ilə "Əyləncəli Futbol bayramı”adı altında tədbir keçirilib.

Xeberle.com-un məlumatına görə, tədbirin əsas məqsədi azyaşlı uşaqlar arasında futbolun təbliği, kütləviliyinin artırılması və onlarda bu idman növünə olan marağın artırılmasından ibarət olub. Tədbirdə iştirak edən 200-dək 6-12 yaşlı uşaq və yeniyetmə futbolçu arasında əyləncəli oyunlar təşkil edilib.
Layihə təşkilatçıları tərəfindən idmançı və məşqçilərə futbol geyimləri və inventarları paylanılıb.