Sumqayıtda 3 saylı Uşaq Gənclər İdman Şahmat Dama Məktəbində "Milli Dirçəliş günü”nə həsr olunmuş 8, 10, 12, 14, 16 yaşadək oğlan və qızlar arasında şəhər birinciliyi keçirilib. Sumqayıt Gənclər və İdman Baş İdarəsindən verilən məlumata görə, gərgin idman mübarizəsi şəraitində davam edən yarışda Fərid Orucov (8 yaş), Samir Məmmədov (10 yaş), Abusəddin Mollayev (12 yaş), Fərhad Fərhadlı (14 yaş) oğlanlar, Leyla Rzalı (8 yaş), Gülzar Hüseynova (10 yaş), Nəzrin Hüseynova (12 yaş), Səbinə Rzalı (16 yaş) isə qızlar arasında bütün rəqiblərinə qalib gələrək fəxri kürsünün ən yüksək pilləsinə qalxıblar.
Yarışda I - III yerləri tutmuş idmançılar 2016-cı ilin yanvar ayında keçiriləcək Azərbaycan birinciliyinin seçmə yarışlarında iştirak etmək hüququ əldə ediblər. Birinciliyin qalib və mükafatçıları şəhər Gənclər və İdman Baş İdarəsinin fəxri fərmanı və hədiyyələri ilə təltif olunub.