Azərbaycan Respublikası Prezidenti yanında Gənclər Fondunun elan etdiyi 7-ci qrant müsabiqəsinin qaliblərindən olan "U-24 Qadın Futbolu Festivalı” layihəsinin təqdimatı keçirilib. 06 dekabr 2015-ci il tarixində təşkil edilən təqdimatda tərəfdaş təşkilatların nümayəndləri, layihə kordinatorları habelə əlaqələndirici şəxslər iştirak etmişlər. Müzakirə zamanı qeyd olunub ki, şəhərimizdə qadın futboluna marağı olan xanımlarımız var ki, onların bu sahəyə motivasiya edilməsi, marağın daha da artırılması üçün təbliğat işinin aparılması və yarışların keçirilməsi lazımdır. Bunun üçün layihənin icrasına hazırlıq mərhələsində yığılacaq 6 komanda arasında olimpiya sistemi üzrə mini futbol çempionatının keçirilməsi planlaşdırılır. Çempionatda 14-24 yaş arası xanımlar iştirak edə biləcək. Layihə çərçivəsində Azərbaycanda qadın futbolu, 2016-cı ildə qadın futbolu üzrə Dünya Çempionatı və layihənin gedişatı, məqsəd və vəzifələri haqqında məlumatları özündə əks etdirən bukletlərin hazırlanaraq paylanılması nəzərdə tutulur.
Xeberle.com