Ötən gün Premyer Liqanın 25-ci turunda "Sumqayıt" azarkeşləri önündə "Qarabağ"a 2:0 hesabı ilə məğlub olub.

”Qafqazinfo” xəbər verir ki, "Kimyaçılar"ın baş məşqçisi Samir Abbasov oyundan sonra öz fikirlərini bildirib:

"Bildiyiniz kimi, "Qarabağ"la ardıcıl 3 oyundur ki, oynayırıq. Sadəcə futbolçulara təşəkkür etdim. "Rəvan"la oyuna köklənməliyik. "Qarabağ" bu oyunda qələbəyə layiq idi. Bizdən neçə baş üstün olduqlarını sübut etdilər. Dayaq yarımmüdafiəçiləri ümidləri doğrultmur. Murad Ağayev top itkilərinə yol verir, Amit Quluzadəni oynadıram, onun da oyunu alınmır. Maliyyə vəziyyəti də elə yaxşı deyil. Məsələn, "Qəbələ"də 30-35 futbolçu var, hər mövqedə 3 futbolçu oynayır".