Topaz Premyer Liqasında XXXI tura yekun vurulub. Apasport.az saytının məlumatına görə, turun son iki oyunundan biri Sumqayıtda, digəri isə paytaxtda baş tutub.
Əvvəlcə son 3 oyunda qələbəyə həsrət qalan iki komanda "Sumqayıt" və "Kəpəz" meydana çıxıb. Maraqlı mübarizə şəraitində keçnə oyunda 5 qol vurulub. Əvvəlcə meydan sahibləri hesabı açıb. Hissənin son dəqiqəsində Pərdis Fərcad Azad avtoqolla bərabərliyi təmin edib. İkinci hissədə isə "Kəpəz" bir dəqiqə ərzində iki dəfə fərlənərəq fərqi daha da artırıb. Sona yaxın Amil Yunanov "Sumqayıt"ı ümidləndirsə də, oyunda başqa qol olmayıb və "Kəpəz" səfər qələbəsi ilə 3-cü pilləyə şərik çıxıb.

Turun son görüşündə - "Rəvan" - AZAL matçında sensasiya qeydə alınıb. İki paytaxt təmsilçisinin qarşılaşmasında turnirin autsayderi olan meydan sahibləri qələbə qazanıblar. Avrokuboklara vəsiqə iddiasında olan AZAL bu məğlubiyyətlə hədəfinə çatmaq yolunda ciddi zədə alıb. Son oyunlarda "təyyarəçilər”in qapısına yol tapmaqda çətinlik çəkən "Rəvan” nəhayət bu tilsimi qıra bilib.