Gənclər və İdman Nazirliyinin təşkilatçılığı ilə Xaçmaz Olimpiya İdman Kompleksində mini futbol üzrə "Sevinc” kuboku uğrunda respublika birinciliyini qalibləri müəyyənləşib.
2001-2003-cü il təvəllüdlü yeniyetmələr arasında keçirilən yarışın final mərhələsində dörd zona üzrə qalib gələn komandalar mübarizə aparıb.
Bütün rəqiblərinə qalib gələn Sumqayıt Uşaq Gənclər İdman Məktəbinin komandası "Sevinc” kubokunu qazanıb. Şəkili yeniyetmə futbolçular ikinci, Salyan idmançıları isə üçüncü yeri tutub.
Hər üç komandaya Gənclər və İdman Nazirliyinin diplom və medalları təqdim olunub.
Mükafatlandırma mərasimində çıxış edən Gənclər və İdman Nazirliyinin nümayəndəsi Nüvər Xasıyev bildirib ki, turnir ölkədə gənc və perspektivli futbolçuların aşkar edilməsi, mini futbol idman növünün təbliği və inkişaf etdirilməsi, futbolçuların ustalığının artırılması məqsədilə ənənəvi olaraq hər il keçirilir.
Azərtac
Xəbərdən istifadə edərkən istinad etmək vacibdir.
