Prezident İlham Əliyevin regionların sosial-iqtisadi inkişafına, bölgələrdə abadlıq-quruculuq işlərinin aparılmasına göstərdiyi diqqət və qayğının nəticəsi olaraq bu gün Sumqayıt şəhərində infrastruktur və sosial layihələr uğurla həyata keçirilir. Sumqayıt şəhərində son aylarda aparılan genişmiqyaslı tikinti, quruculuq və abadlıq işləri sürətlə davam etdirilir.
Zakir Fərəcov Sumqayıt şəhər İcra Hakimiyyətinin başçısı təyin olunduqdan sonra şəhərdə tikintisinə başlanılan müasir mərkəzlərdən biri – Sumqayıt Şahmat Məktəbində işlər artıq yekunlaşmaq üzrədir.
Müasir üslubda tikilən ikimərtəbəli binada yarış zalı, sinif otaqları, kompüter və elektron kitabxana otağı, oyunların canlı izlənməsi zalı və digər otaqlar yaradılacaq.
Xəbərdən istifadə edərkən istinad etmək vacibdir.
