Bu gün 1 nömrəli Uşaq-Gənclər İdman Məktəbin konfrans zalında "Azərbaycan Respublikasının Fəxri Bədən Tərbiyəsi və İdman işçisi”, "Spartak” Könüllü Bədən Tərbiyəsi İdman Cəmiyyətinin Sumqayıt şəhər Şurasının sədri Vaqif Ələsgər oğlu Zeynalovun anadan olmasının 70 illik yubileyi ilə bağlı mərasim keçirilib.
Mərasimi giriş sözü ilə açan Sumqayıt şəhər İcra Hakimiyyəti başçısının müavini Teymur Səmədov yubilyarın keçdiyi şərəfli həyat yolundan, istər məşqçi-müəllim, istərsə də rəhbər vəzifələrdə çalışdığı bütün dövrlərdə şəhərin və Respublikanın ictimai-siyasi və mədəni həyatında səmərəli fəaliyyətindən, idman sahəsində, xüsusi ilə ağır atletika növünün təbliği və inkişafında uğurlarından danışmış, bu kimi insanların şəhər rəhbərliyinin daim diqqət mərkəzində saxlanıldığını bildirib. Poeziya vurğunu olan V.Zeynalovun yazdığı şeirləri oxuduqca onun daxili aləminin nə qədər zəngin olduğunu tədbir iştirakçılarının nəzərinə çatdırıb.
Yubiley tədbirində şəhər Gənclər və İdman Baş İdarəsinin rəiz əvəzi Mübariz Bəşirov, "Azərbaycan Respublikasının Əməkdar Bədən Tərbiyəsi və İdman xadimi” Firdovsi Ömərov, "Azərbaycan Respublikasının Əməkdar məşqçi”ləri Ramiz Əliyev, Qərib Əliyev, "Alüminiumçu” İdman Evinin direktoru Səxavət Nərimanov V.Zeynalovun çoxşaxəli fəaliyyətindən danışıblar və onu 70 illik yubileyi münasibətilə təbrik ediblər.
Sonda yubilyar şəhərdə Bədən Tərbiyəsi və İdman sahəsində səmərəli fəaliyyətinə görə İcra Hakimiyyəti tərəfindən Fəxri Fərmanla təltif edilib.
 

 

 

 

 

 

 

 

 

 

 

 

 
 

Xəbərdən istifadə edərkən istinad etmək vacibdir.