WFBO (World Full Boxing Organisation) və Azərbaycan Qarışıq Döyüş Növləri Mərkəzinin birgə təşkilatçılığı, Gənclər və İdman Nazirliyinin dəstəyi ilə Mix Fight və Oriental üzrə Avrasiya çempionatı keçiriləcək.
Sumqayıt Olimpiya İdman Kompleksində baş tutacaq çempionatın əsas məqsədi məşqçilərin, hakimlərin və idmançıların ustalığının beynəlxalq təcrübə ilə zənginləşdirmək, Azərbaycanın Qarışıq Döyüş Növləri sahəsində beynəxalq əlaqələrini inkişaf etdirməkdir.
Qarışıq Döyüş Növlərinin WFBO versiyası qaydalarına uyğun olaraq keçiriləcək çempionatda uşaqlar, yeniyetmələr,gənclər və kişilər müxtəlif çəki dərəcələrində mübarizə aparacaqlar.
Avrasiya çempionatında yerli idmançılarla yanaşı, Türkiyə, Gürcüstan,Qazaxıstan, Özbəkistan, Türkmənistan, Əfqanıstan, Misir və Rusiyadan olan döyüş ustalarının qalib adı uğurnda mübarizə aparacağı gözlənilir.
İki gün davam edəcək beynəlxalq turnirin açılış mərasimi və peşəkar döyüşləri oktyabrın 15-də Sumqayıt Olimpiya İdman Kompleksində olacaq.
Yarışda I-III yerləri tutan idmançılar WFBO (World Full Boxing Organisation) və Azərbaycan Qarışıq Döyüş Növləri Mərkəzinin diplom, medal,kəmər və qiymətli hədiyyələri ilə mükafatlandırılacaq.
Qeyd edək çempionatın informasiya dəstəkçisi Xeberle.com informasiya portalıdır.
Xəbərdən istifadə edərkən istinad etmək vacibdir.
