Dris Mertens qələbə topunu vurdu.

Braziliyanın Belu-Orizoti şəhərinin Estadio Mineyrao stadionunda Belçika Əlcəzair yığmasını sınağa çəkdi.

Oxu.Az xəbər verir ki, ilk hissədə afrikalılar çox yaxşı müdafiə olunurdular.

25-ci dəqiqədə isə hakim avropalıların qapısına 11 metrlik сərimə zərbəsi təyin etdi. Sofin Fequli zərbəni dəqiq yerinə yetirərək hesabı açdı. 

Müdafiədən oynayan Əlcəzair yığması ilk hissəyə üstünlüklə ayrıldı.

İkinci hissədə isə Belçikanın baş məşqçisi bir neçə uğurlu əvəzetmələr etdi. Və oyunun axarı tamamilə dəyişdi. Avropalıların oyunu daha da kəsərli, daha da təhlükəli alınmağa başladı. 

70-ci dəqiqədə meydançaya sonradan daxil olmuş Maruan Fellayni başla gözəl zərbə ilə hesabı bərabərləşdirdi. 80-ci dəqiqədə isə yenə də sonradan meydançaya daxil olmuş oyunçu, Dris Mertens belçikalıların qələbə topunu vurdu.

Belçika 2:1 Əlcəzair.