Dünyanın ən yaxşı futbolçusu heç nə edə bilmədi.

Braziliyanın Salvador şəhərinin “Arena Fonte Nova” stadionunda “G” qrupunun ilk oyununda Almaniya Portuqaliyanı darmadağın etdi.

Oxu.Az xəbər verir ki, almanlar elə ilk hissədə oyunun taleyini həll etdilər.

11-ci dəqiqədə Tomas Müller 11-metrlik cərimə zərbəsindən hesabı açdılar. 32-ci dəqiqədə künc zərbəsindən sonra Mats Hummels başla dəqiq zərbə vuraraq hesab arasında fərqi iki topa çatdırdı. 37-ci dəqiqədə hakim Pepeyə birbaşa qırmızı vərəqə göstərərək meydançadan kənarlaşdırdı. 45-də isə Tomas Müller özünün 2-ci komandasının isə 3-cü topunu vurdu.

İkinci hissədə də portuqaliyalıların cəhdləri heç bir nəticə vermədi. Almanlar isə rahat və arxayın oynuyurdular. 78-ci dəqiqədə Tomas Müller çempionatın ilk het-trikini rəsmiləşdirdi və bombardirlər siyahısında ilk pilləyə yüksəldi. 

“Alman maşını” Portuqaliyanı darmadağın etdi, 4:0.