AFFA İntizam Komitəsi "Qarabağ”ın futbolçusu İbrahim Şehiçi cəzalandırıb.
Xeberle.com Axar.az-a istinadən xəbər verir ki, bu barədə İntizam Komitəsinin bu gün keçirilən iclasında qərar qəbul olunub.
Topaz Premyer Liqasının 12-ci turunda keçirilən "Qarabağ”-"Sumqayıt” matçının 30-cu dəqiqəsində "Qarabağ” klubunun qapıçısı İbrahim Sehiç aqressiv davranışına görə birbaşa qırmızı vərəqə alaraq meydandan kənarlaşdırıldığı üçün 3 oyun cəzalandırılıb, klub isə 2400 manat cərimə olunub.
Qeyd edək ki, sözügedən qarşılaşmada İ.Şehiç rəqibi əli ilə vurduğuna görə baş hakim İnqilab Məmmədov bosniyalı qapıçıya birbaşa qırmızı vərəqə göstərib.

Xəbərdən istifadə edərkən istinad etmək vacibdir.